කුරුණෑගල , දඹුල්ල පාර පදිංචි ඉනෝකා මාරසිංහ මහත්මිය, මහතා සහ දූ දරුවන් විසින් 2025.03.24 වන දින රු. 172,485/- ක් පමණ වැය කරමින් මෙම දින වල රෝහලේ හිඟ ඖෂධ ,සැරහුම් ද්‍රව්‍ය සහ රෝගීන්ගේ මානසික සුවය පිණිස විසිතුරු මසුන් කුරුණෑගල , ශික්‍ෂණ රෝහලේ පිළිකා වාට්ටු වෙත පරිත්‍යාගය කරන ලදි.
මෙම පරිත්‍යාගය සිදුකරන ලද්දේ එම මහතාගේ ආදරණීය පියාණන්ට පින් අනුමෝදන් කිරීම අරමුණු කර ගනිමිනි. මෙම පරිත්‍යාගය සිදු කිරීමෙන් ලබා ගත්තා වූ කුසල් බලයෙන් අභාවයට පත් වූ එතුමාට පරලෝ සැපය ලැබී ඉක්මන් භවයකදී සසර දුකින් මිදීමට මෙම පින් හේතු වාසනා වේවායි ප්‍රාර්ථනා කරමු.
එමෙන්ම මේ සඳහා සහභාගී වු දියණියගේ සහ පුතුගේ අධ්‍යාපන කටයුතු සර්වප්‍රකාරයෙන්ම සාර්ථක වේවා! ඔබතුමිය ඇතුළු සියලුම දෙනාට නිදුක් නීරෝගී සුවය සහ දීර්ගායුෂ ලැබේවා ! තවද ඔබ සැමගේ රැකී රක්ෂා කටයුතු, ව්‍යාපාරික කටයුතු සහ යහපත් අනාගත බලාපොරොත්තු සිතන පතන ආකාරයෙන්ම ඉෂ්ට වේවා කියා ප්‍රාර්ථනා කරමු.
